देश संविधान बणावण वाळा बाबा साहेब डॉ. भीमराव आम्बेडकर ने शुक्रवार ने वां रा महापरिनिर्वाण दिवस रे मौके सिरधाभाव सागे याद कर रह्यो है। प्रदेश मांय ई ईं मौके न्यारा-न्यारा कार्यक्रम राख्यी ज्या। मुख्यमंत्री रा दफ्तर मांय राख्यी ज्या कार्यक्रम मांय मुख्यमंत्री भजनलाल शर्मा डॉ. भीमराव आम्बेडकर रा फोटो माथे सिरधा रा फूल चढ़ाया। वे कह्यो के बाबा साहेब दलित, पिछाड़ी तबका, महिलावां अर शोषित जनता रा हक सारू लड़ र समाज ने बदलाव री दिशा दीनी। पाली रा राजकीय बांगड़ अस्पताल मांय खून दान शिविर लगायी ज्यो। कांग्रेस भवन मांय राख्यी ज्यी पुष्पांजलि सभा मांय बाबा साहेब री फोटो माथे फूल चढ़ाई ज्या अर संगोष्ठी राख्यी ज्यी। कोटा रा मंडल रेल प्रबंधक रा दफ़्तर मांय पुष्पाजंली कार्यक्रम राख्यी ज्यो। भरतपुर रा अंबेडकर भवन मांय डॉक्टर अम्बेडकर री मूरत माथे फुल चढ़ा र वां ने याद करी ज्या। डूंगरपुर मेडिकल कॉलेज अस्पताल रा ब्लड बैंक मांय खूनदान शिविर लगायी ज्यो। केकड़ी ज़िला मांय टोडारायसिंह रा सरकारी कॉलेज मांय राख्यी ज्या कार्यक्रम मांय संविधान बणावण, महिलावां री भणाई-लिखाई अर पर्यावरण ने बचावण सारू बाबा साहेब रा योगदान ने याद करी ज्यो। जैसलमेर ज़िला रा पोकरण मांय कांग्रेस रा दफ्तर मांय देश का संविधान और भारतीय नागरिकों के अधिकार मुद्दा माथे संगोष्ठी राख्यी ज्यी। शाहपुरा ज़िला रा सांगरिया चौराहा माथे ज़िला कलेक्टर री मौजूदगी मांय खूनदान शिविर लगायी ज्यो। रक्तदान शिविर का आयोजन हुआ। सीकर रा शेखावाटी विश्वविद्यालय मांय ई मौके श्रद्धांजलि कार्यक्रम राख्यी ज्यो। नीम का थाना, सवाईमाधोपुर, बालोतरा, बाड़मेर, हनुमानगढ़, जालौर अर चूरू मांय ई ईं मौके खास कार्यक्रम राख्यी ज्या।