प्रभु यीशु रो जन्मदिवस, क्रिसमस बुधवार ने देश दुनिया मांय रीति मुजब उमाव रे साथै मनायो जावे। ई मौके गिरिजाघरां ने मोवणा सजायी ज्या है। क्रिसमस मनावण ने ले र ईसाई समुदाय रा लोगां मांय संवारां ऊं ई खास उमाव बण्योड़ो है। कैरल्स रे साथे खास प्रार्थना सभावां आयोजित व्ह्या। क्रिसमस ट्री अर केक ने ले र टाबरां रे साथे ई जवाना मांय ई फरक देखण ने मिले। प्रभु यीशु रा जन्म री झांकी देखण सारू घणी तादाद मांय लोग न्यारा-न्यारा गिरिजाघर पूग रह्या है। राष्ट्रपति द्रौपदी मुर्मू अर उपराष्ट्रपति जगदीप धनखड़ अर प्रधानमंत्री नरेन्द्र मोदी क्रिसमस रे मौके लोगां ने शुभकामनावां दी है। प्रधानमंत्री सगळां ऊं प्रभु यीशु मसीह री शिक्षावां माथे चालण री अरज करी है। अठिने, राजधानी जयपुर समेत प्रदेशभर री सैलाणी ठौड़ां माथे क्रिसमस री छुटिटयां मनावण मांय घणी तादाद मांय देशी-विदेशी सैलाणी पूग रह्या है। सिरोही ज़िला मांय प्रदेश रा एकला पर्वतीय सैलाणी ठौड़ा माउंट आबू मांय ई घड़ी तादाद मांय सैलाणी पूग रह्या है।