देश रा पहला प्रधानमंत्री पंडित जवाहरलाल नेहरू ने गुरूवार ने वां रा जन्मदिन रे मौके सिरधाभाव सागे याद कर्या जा रह्या है। पं. नेहरु रो जन्मदिन बाल दिवस रा तौर ऊं मनायी ज्यो। ईं मौके स्कूलां मांय खास कार्यक्रम राख्यी ज्या। हनुमानगढ जिला रा टिब्बी रा राजकीय महात्मा गांधी अंग्रेजी माध्यम विद्यालय मांय श्री कृष्ण भोग रो कार्यक्रम राख्यी ज्यो। ईं रा तैत स्कूल रा स्टाफ री ओर ऊं विद्यार्थियां ने खीर, पूरी, जलेबियां खिलाई ज्यी। चूरू, सांचौर अर भीलवाडा री स्कूलां मांय न्यारी-न्यारी होड़ां राखण रा समाचार मिल्या है। झालावाड, टोंक अर सवाईमाधोपुर मांय केई ठोडां बाल मेळा लगायी ज्या। पाली मांय कांग्रेस रा दफ्तर मांय नेहरू जी रा फोटू माथे फूल चढ़ा र वां ने सिरधाभाव सागे याद करी ज्या।