प्रधानमंत्री नरेन्द्र मोदी कह्यो है के विकसित वाइब्रेंट विलेज कार्यक्रम घणो खास है। इण री मार्फत देश रा नौजवानां ने सरहदी गांवां री संस्कृति अर वठा री चुनौतियां अर रहण-सहण रा बारा मांय जाणण रो मौको मिले है। आज वीडियो कॉन्फ्रेंसिंग रे मार्फत विकसित वाइब्रेंट विलेज कार्यक्रम-2026 रा प्रतिभागियां साथै बतळ करता प्रधानमंत्री कह्यो के सरहदी गांवां मांय वठा रा लोगां मांय देश प्रेम रो खास जज्बो देखण ने मिले है। ई कार्यक्रम रे मार्फत देश रा सगळा राज्यां अर केन्द्र शासित प्रदेशां री नुमाइन्दगी कर रिया 400 ऊँ बत्ती नौजवानां साथै प्रधानमंत्री वतळ की अर वां रा अनुभव सुण्या। राज्य रा जालौर मांय भारत वॉलन्टियर सुनील कुमार आप रा अनुभव साझा करता प्रधानमंत्री ने धन्यवाद दियो। विकसित वाइब्रेंट विलेज कार्यक्रम प्रतिभागियां ने भारत रा सरहदी हलकां रा सामाजिक-आर्थिक दिखाव, सांस्कृतिक विरासत अर विकास री आस ऊँ सीधा पीछाण करावे है, साथै ही सामुदायिक भागीदारी, राष्ट्रीय एकता अर सीमाई गांवां रा रणनीतिक महत्व री गहरी समझ ने बधावो देवे है। ध्यानजोग है के ई कार्यक्रम सारू प्रतिभागियां रो चुणाव देश भर मांय आॅनलाईन क्विज होड़ री मार्फत करी ज्यो जिण मांय तीन लाख ऊँ बत्ती नौजवानां हिस्सो लियो।
000