प्रधानमंत्री नरेन्द्र मोदी परीक्षावां रा पेपर लीक करण रा काम मांय शामिल लोगां ने तुरत करड़ी सज़ा दिरावण सारू फास्ट ट्रैक अदालतां खोलण रो ऐलाण कीनो है। सोशल मीडिया पोस्ट रे जरिए श्री मोदी विद्यार्थियां रा भविष्य री हिफ़ाज़त माथे सरकार रो खास ध्यान व्हेवण रो जिकर करता थकां कह्यो के देश रा नौजवानां रो भलो अर भविष्य सब ऊं खास है। श्री मोदी अहलकारां ने ईं बारा मांय सगळा जरूरी जतन करण रा हुकम दीना। वे कह्यो के नौजवानां रा भविष्य ने नुकसाण पूगावण री कोशिश करण वाळां ने नी छोड़्या जावेला।