प्रधानमंत्री नरेन्द्र मोदी दीतवार ने आकाशवाणी ऊं प्रसारित कर्या जावण वाळा खास कार्यक्रम मन की बात मांय विचार बतावेला। आकाशवाणी ऊं ओ कार्यक्रम दस साल ऊं बत्ता बगत ऊं प्रसारित कर्यो जा रह्यो है। ईं महीना मन की बात कार्यक्रम री 118वीं कड़ी प्रसारित करी जा रही है। ओ कार्यक्रम संवारे 11 बज्यां आकाशवाणी अर दूरदर्शन रा पूरा नेटवर्क, एआईआर न्यूज वेबसाइट अर न्यूज ऑन ए आई आर मोबाईल एप माथे प्रसारित कर्यो जावेला। ईं रे अलावा ए आई आर न्यूज, डीडी न्यूज, प्रधानमंत्री रा दफ्तर अर सूचना अर प्रसारण मंत्रालय रा यू-ट््यूब चैनलां माथे ई इण रो प्रसारण कर्यो जावेला। मन की बात कार्यक्रम रा हिन्दी मांय प्रसारण रा ठीक पाछे आकाशवाणी ऊं क्षेत्रीय भाषावां मांय इण रो प्रसारण कर्यो जावेला।