प्रधानमंत्री नरेन्द्र मोदी कह्यो है के महिलावां रे खिलाफ अत्याचार अर बच्चां री हिफाजत मांय कोताही समाज सारू घणी चिंता रा मुद्दा है। वे थावर ने नई दिल्ली मांय जिला न्यायपालिका रा दो दिन रा राष्ट्री्य सम्मेलन रा उद्घाटन रे मौके बोल रह्या हा। प्रधानमंत्री कह्यो के महिलावां रे खिलाफ़ अत्याचार ऊं जुड्या मामलां मांय बेगा फैसला लेवण ऊं महिलावां री हिफाज़त तैय व्हे सकेला। भारतीय न्याय संहिता रा बारा मांय प्रधानमंत्री कह्यो के नागरिक प्रथम, प्रतिष्ठा प्रथम अर न्याय प्रथम इंर् री भावना है। वे कह्यो के देश मांय न्यायिक ढांचा रा विकास सारू करीब आठ हजार करोड़ रूप्या खर्च करी ज्या है। ई मौके प्रधानमंत्री एक डाक टिकट अर सुप्रीम कोर्ट खुलण रा 75 साल पूरा व्हेवण रा बारा मांय एक सिक्को ई जारी कीनो। कार्यक्रम मांय सुप्रीम कोर्ट रा मुख्य न्यायाधीश न्यायमूर्ति डी. वाई. चंद्रचूड़ कह्यो के ओ सम्मेलन अखिल भारतीय जिला न्यायाधीश सम्मेलन री आगली कड़ी है। ईं मौके केंद्रीय कानून अर न्या्य मंत्री अर्जुन राम मेघवाल कह्यो के देश मांय न्याय री प्रक्रिया ने नुवी बणायी जा रही है।