प्रधानमंत्री नरेंद्र मोदी कह्यो है के नौजवानां कने 21वीं सदी रा भारत सारू न्यारा-न्यारा नजरिया अर समाधान है। बुधवार ने स्मार्ट इंडिया हैकाथॉन 2024 रा ग्रैंड फिनाले मांय वीडियो कॉन्फ्रेंसिंग रे मार्फत यंग इनोवेटर्स सागे बातचीत करता थकां वे कह्यो के देश सगळां री कोशिशां ऊं तेज़ी ऊं आगे बध रह्यो है। प्रधानमंत्री कह्यो के विकसित भारत बणावण सारू इनोवेटर्स ने नुवा तरीका ऊं सोचण री ज़रूरत है। पांच दिन री ईं हैकाथॉन मांय जयपुर री एक गैर सरकारी युनिवर्सिटी ने ई एक केन्द्र रा तौर ऊं शामिल करी ज्यी है। केन्द्र रा नोडल अधिकारी डॉ. दिनेश कुमार सैनी बतायो के इण मांय 56 लड़कियां समेत डोढ़ सौ विद्यार्थी शिरकत कर रह्या है।