प्रदेश री सात विधानसभा सीटां माथे 13 नवम्बर ने होबा वाळां उपचुणाव खातर सगळी तैयारीयां पूरी करी जा रही है। न्यारा-न्यारा राजनैतिक दळां रा उम्मीदवार मतदातावां सूं मिल रह्या है। सलूम्बर विधानसभा उपचुनाव खातर होम वोटिंग प्रक्रिया काल सूं सरू व्हेला। ज़िला निर्वाचन अधिकारी अरविंद कुमार पोसवाल बताया के होम वोटिंग प्रक्रिया रो पैलो फेर आठ नवम्बर तांई चालेला।उपचुनाव वाळा हल्कां मांय अवैध चीजां लाबा ले जाबा माथे खास निगरानी राख्यी जा री है। टोंक जिला रा उनियारा मांय पुलिस अलीगढ़ हलकां सूं एक गाड़ी सूं दीतवार ने चार लाख रिप्यां री नकदी जब्त करी।