प्रदेश री पीएम श्री स्कूलां मांय प्री-प्राइमरी कक्षावां सरु करी जावेला। प्रारंभिक अर माध्यमिक शिक्षा निदेशालय ईं बाबत् हुकम जारी कीना है। ईं रा पैला दौर मांय 402 पीएम श्री स्कूलां चुणी ज्यी है। ईं सारु गुरूवार ऊं दाखिला रो काम सरू कर्यो जावेला। सप्ताह मांय पांच दिन चालण वाळी अ कक्षावां रोजीना चार घंटा लागेला। प्री-प्राइमरी कक्षावां मांय तीन साल या इण ऊं बत्ती उम्र रा बच्चां ने दाखिलो दियो जावेला। हर पीएम श्री स्कूल मांय ईं सारु 25 सीटां व्हेला।