प्रदेश री घणखर ठोडां माथे रात रे तापमान मांय कमी आणे सूं सुंवारे अर सिंज्या के बगत गुलाबी ठण्ड महसूस होवण लागी है। वठी ने दिन मांय अजे भी गर्मी रो असर बण्योडो है। राज्य मांय लारला 24 घंटां मांय सब सूं बत्ती 37 डिग्री सेल्सियस बत्ती ऊं बत्ती तापमान बाडमेर मांय दर्ज करीज्यो। मौसम केन्द्र जयपुर रे मुजब लगेटगे सगळी जगावां माथे तापमान 20 डिग्री सेल्सियस सूं नीचे दरज कर्यो गयो है। सब सूं कम 11 दशमलव 2 डिग्री सेल्सियस तापमान माउंट आबू मांय दर्ज करीज्यो। उदयपुर, जालौर अर सीकर मांय रात रो तापमान 15 डिग्री रियो। वठी ने राजधानी जयपुर मांय भी पारो लुढ़कर 19 डिग्री सेल्सियस माथे आ ग्यो। आगले तीन दिनां तांई प्रदेश मांय घणखर ठोडां माथे मौसम सूखो रेहवण री आस है। काले बीकानेर संभाग मांय सुंवारे रे बगत कठी-कठी घणो कोहरो छायो रह सके है।