प्रदेश री घणखरी ठौड़ां लारला दो-तीन मांय तापमान मांय कमी आवण ऊं करड़ी ठण्ड रो असर बण्योड़ो है। लारला चौबीस घंटा मांय सब ऊं कम 3 दशमलव 4 डिग्री सेल्सियस कमती रो तापमान माउंट आबू मांय दर्ज करी ज्यो। वठे पिलानी, श्रीगंगानगर अर चूरू मांय कमती रो तापमान 6 दशमलव 6 डिग्री सेल्सियस दर्ज करी ज्यो। चित्तौडगढ़ मांय बुधवार ने दिन री सरूआत सीळा बायरां अर हलका कोहरा रे साथे व्ही। कोटा मांय ई आखे दिन बादळ छायी ज्या रिया। बाड़मेर आज दिनभर धुंध छायी ज्यो रह्यो अर सीळी हवा रा असर ऊं ठण्ड बध ग्यी। श्रीगंगानगर मांय करड़ी ठण्ड ऊं आम जिन्दगी ऊं असर पड्यो है। मौसम केन्द्र जयपुर मुजब राज्य मांय कठे-कठे ई आवता दो दिन घणो कोहरो छायो रह सके है। काले ऊं एक और नुवो आथूणी विक्षोभ सक्रिय होवण री आस है। इण रा असर ऊं जयपुर समेत केई ज़िला मांय मावठ व्हे सके है। मौसम महकमां मुजब विक्षोभ रो सब ऊं बत्ती असर 27 दिसंबर ने रह सके है। इण ऊं कठे-कठे ई ओळा पड़ण रो ई अन्देसो है।