प्रदेश रा 9 जिलां मांय 9 नगरीय निकायां रा रीता ओहदा माथे उप-चुणाव सारू 9 जनवरी 2025 ने वोट पडे़ला। वोट देवण रा दिन सार्वजनिक छुट्टी रो ऐलाण करण रो हक ज़िला कलेक्टरां ने दियो ज्यो है। ओजू वोट पड़बा रा हालात मांय ई संबंधित जिला कलेक्टर छुट्टी रो ऐलाण कर सकेला। ईं बारा मांय सामान्य प्रशासन विभाग हुकम जारी कर दीनो है। बांसवाड़ा, चित्तौड़गढ़, दौसा, हनुमानगढ़, जयपुर, झालावाड़, जोधपुर ग्रामीण, सवाई माधोपुर अर सीकर ज़िलां रा 9 नगरीय निकायां मांय रीता ओहदा माथे चुणाव कराया जा रह्या है।