राज्य रा सरकारी अस्पतालां मांय घणा जोखिम रो सामो कर रही आस वाळी लुगाइयां रा सुबीता सारू प्रसव सखी व्यवस्था सरू करी जावेला। प्रदेश रा मेडिकल कॉलेजां ऊं जुड़्या अस्पतालां, ज़िला अस्पतालां अर बत्ता जापा वाळी प्रथम रैफरल इकाइयां मांय न्यारा-न्यारा दौर मांय ओ सुबीतो मुहैया करायो जावेला। चिकित्सा अर स्वास्थ्य विभाग री शासन सचिव आ जाणकारी दीनी। वे बतायो के पिंक एप्रिन मांय तैनात नर्सिंग कर्मचारी, ए.एन.एम. या दूजी सिखावण लियोड़ी महिला स्वास्थ्य कर्मचारी प्रसव सखी रा तौर ऊं काम करेला। वे बत्ता जोखिम सागे आवण वाळी आस वाळी लुगाइयां रे अस्पताल मांय भर्ती व्हेवण ऊं ले र वां पाछे री देखभाल तांई रा हर काम मांय मदद करेला। श्रीमती राठौड़ बतायो के हर चिन्हित अस्पताल मांय सात ई दिन 24 ई घंटा काम करण वाळा मातृ-शिशु हेल्प डेस्क बणाया जावेला। वे कह्यो के 104 जननी एक्सप्रेस, हेल्प डेस्क अर प्रसव सखी रा तालमेल वाळी व्यवस्था ऊं आस वाळी लुगाइयां ने घर ऊं अस्पताल तांई बिना अड़चन सेवा मुहैया करावणो तैय कर्यो जावेला।