प्रदेशभर री सगळी गर्भवती महिलावां रे स्वास्थ्य मानकां री सघन स्क्रीनिंग खातिर काले सूं विशेष अभियान चलायो जावेला। 5 दिनां तांई चालण वाळा इण अभियान मांय गर्भवती महिलावां री प्रसव पेल्या स्वास्थ्य जांच करी जावेली। चिकित्सा अर स्वास्थ्य महकमा री प्रमुख शासन सचिव गायत्री राठौड़ मंगलवार ने जयपुर मांय बैठक कर वी.सी रे माध्यम सूं सगळा चिकित्सा अहलकारां ने इण बारा मांय हुकम दिया। वणा कयो कि आशा वर्कर, ए.एन.एम. अर सी.एच.ओ. रे जरिये स्क्रीनिंग रो ओ काम करवायो जावेला। श्रीमती राठौड़ हर गर्भवती महिला री चार गुणवत्तापूर्ण ए.एन.सी. जांच जरूरी रूप सूं कराणे री बात कही। वणा कयो कि बत्ती जोखिम वाळी गर्भावस्था खातिर अलग सूं टेªकिंग सिस्टम बणायो जावेला।