प्रदेश रा वन्य जीव अभ्यारण्य मंगलवार ऊं ओजू खुल जावेला। चौमासा री रूत मांय तीन महीन तांई बंद रह्या पाछे मंगलवार ऊं आं रे ओजू खुलण परां सैलाणियां री तादाद मांय बधोतरी रा आसार है। अलवर रा सरिस्का टाइगर रिजर्व मांय संवारे 6 बज्यां ऊं सैलाणी सैर कर सकेला। मौजूदा दौर मांय रिजर्व मांय कुल 43 बाघ-बाघिन है। म्हाणा सवाईमाधोपुर खबरनवीस बतायो के रणथम्भौर बाघ अभ्यारण्य ने निरखण सारू आया सैलाणियां रे कारण हलका मांय चहल-पहल बध ग्यी है। दूजी कानी पाली मांय मंगलवार ऊं वन्य जीव रेन्ज सादड़ी अर देसूरी मांय सैलाणियां सारू सफारी सरू व्हे जावेला।