प्रदेश रा ऊगणी अर लंकाऊ हल कां मांय आज केई ठौड़ां मेह बरस्यो। झालावाड़ जिला मांय आज दोपहरां पाछे बादळां री गाज सागे बिरखा व्ही। झालरापाटन मांय ई बिरखा व्ही। सवाईमाधोपुर मांय कोई आधा घंटा तांई चोखो मेह बरस्यो। दौसा मांय ई आज केई ठौड़ां बिरखा व्ही। महुआ, सिकराय अर लालसोट रा खेतां मांय बिरखा रो पाणी भर जावण ऊं साखां ने नुकसाण व्हेवण री शंका है। बारां, पाली अर टोंक मांय छांटा-छिड़का रा समाचार है। पाली ज़िला रा रानी मांय जोरदार बिरखा व्ही। बांसवाड़ा मांय ई सिंज्या री पोर मेह बरस्यो। दूजी कानी बाड़मेर ज़िला मांय तेज़ गर्मी रे कारण साखां मुरझावण लागी है। ईं बीचे प्रदेश रा कुछ और हलकां मांय चौमासा री ईं रुत री बिरखा बंद व्हे ग्यी है। मॉनसून री वापसी रेखा अब चूरू, अजमेर अर माउंट आबू व्हेती निकळ रही है। मौसम केन्द्र जयपुर रे मुजब 30 सितंबर तांई कोटा अर उदयपुर संभाग रा कुछ हलकां मांय बिरखा रा आसार है जद के भरतपुर, जयपुर अर अजमेर संभाग रा कुछ हलकां मांय काल ऊं तीन दिन तांई बिरखा रा आसार है।