प्रदेश रा मौसम मांय लगातार बदलाव महसूस कर्यो जा रह्यो है। लारला चौबीस घंटा मांय केई ठौड़ां दिन री बगत पारो 3 डिग्री सेल्सियस तांई उतर ग्यो जद के रात री बगत तापमान मांय 6 डिग्री सेल्सिय तांई री गिरावट व्ही। जैसलमेर मांय सब ऊं बत्ती 5 दशमलव 9 डिग्री सैल्सियस री गिरावट अर्ज करी ज्यी। दूजी कानी धौलपुर अर कोटा मांय दिन री बगत तापमान 40 डिग्री सैल्सियस ने पार कर ग्यो। राज्य रा 12 शहरां मांय रात री बगत तापमान 20 डिग्री सैल्सियस ऊं ऊंचो रह्यो। मौसम केन्द्र जयपुर रा निदेशक राधेश्याम शर्मा बतायो के पश्चिमी विक्षोभ रा असर ऊं पाकिस्तान ऊ लाग्योड़ा ज़िलां मांय जोरदार बायरो बाजण अर बादळा मण्डबा रा आसार है जिण पारो और उतर सके है।