प्रदेश रा मेडिकल कॉलेजां ऊं जुड़्या अस्पतालां मांय बेगो ई क्यू मैनेजमेंट सिस्टम लागू कर्यो जावेला। इण री सरूआत जयपुर रा सवाई मानसिंह मेडिकल कॉलेज ऊं जुड़्या कांवटिया अस्पताल अर आयूएचएस मेडिकल कॉलेज ऊं जुड़्या जयपुरिया अस्पताल ऊं करी जावेला। चिकित्सा शिक्षा सचिव अंबरीश कुमार आ जाणकारी दीनी। वे थावर ने कांवटिया अर जयपुरिया अस्पताल रो दौरो कर र वठे मुहैया कराया जा रह्या स्वास्थ्य सुबीतां री जाणकारी लीनी अर व्यवस्थावां मांय सुधार बाबत् ज़रूरी हुकम दीना। वे बेहतरीन काम करण वाळा पांच डॉक्टरां अर नर्सिंग कर्मचारियां ने मान पाना दे र नवाज़ा।