प्रदेश रा न्यारा-न्यारा हलकां मांय सुबह-शाम सर्दी रो असर महसूस कर्यो जा रह्यो है। सीकर अर पिलानी समेत आठ ठौड़ां न्यूनतम तापमान दस डिग्री सेल्सियस ऊं कम रह्यो, हालांकि दिन री बगत पारो धीरे-धीरे चढ़बा लाग्यो है। आवता दो दिन मांय घणखर ठौड़ां दिन री बगत तापमान मांय बधोतरी रो अनुमान है। जयपुर, कोटा, उदयपुर, भरतपुर, गंगानगर, सीकर अर पाली समेत लगभग सगळी ठौड़ां दिन मांय पारो चढ़्यो। राजधानी जयपुर मांय सुबह-शाम हल्की ठंडक रही जदके दिन मांय गर्मी रो एहसास व्ह्यो। राज्य मांय 27 फरवरी ऊं एक मार्च तांई एक और पश्चिमी विक्षोभ रा असर ऊं बादळा मंडण अर कठे-कठे हल्की बारिश रा आसार है।