प्रदेश रा न्यारा-न्यारा हलकां मांय आज हल्की ऊं मझला दर्जा री बारिश व्ही। श्रीगंगानगर जिला रा सादुलशहर हलका मांय बिरखा व्ही, जद के मंझुवाश अर ज़िला मुख्यालय समेत न्यारा-न्यारा हलकां मांय आंधी चाली। हनुमानगढ मांय ई बिरखा व्हेवण रा समाचार है। चूरू अर आरे-सारे रा गांवा मांय व्ही बिरखा ऊं राजी किसान ईं बिरखा ऊं साखां ने फायदो व्हेवण री आस लगा रह्या है। सीकर जिला रा राजोली मांय तेज बरसात व्ही। भरतपुर मांय आखा दिन बिरखा व्हेती रही। धौलपुर मांय ई चोखी बिरखा रा समाचार है। करौली अर आरे-सारे रा हलका मांय रूक-रूक र व्हे रही बिरखा ऊं गर्मी ऊं साता मिली है। झालावाड़ अर डूंगरपुर मांय सिंज्या री पोर बिरखा रा समाचार है। मौसम विभाग आज जयपुर, अजमेर अर कोटा संभाग रा कुछ हलका मांय बिरखा रा आसार जताया है। मौसम विभाग रा जयपुर केन्द्र रा निदेशक राधेश्याम शर्मा बतायो के आज धौलपुर अर भरतपुर ज़िलां मांय कठे-कठे चोखी बिरखा रा आसार है।