प्रदेश रा केई शहरा मांय व्ही बारिश रे पाछे बत्ता तापमान मांय गिरावट आयी है। धौलपुर मांय तापमान 6 डिग्री सेल्सियस तांई कम व्ह्यो है। मौसम महकमां रे मुजब करौली, बारां, धौलपुर, उदयपुर, चित्तौडगढ अर भीलवाड़ा मांय पारो गिर्यो, वठिने दौसा, अलवर, सीकर अर झुन्झुनू मांय ठण्डी हवा चालबा सूं ठिठुरन बणी व्ही है। महकमो आवता चार दिन तांई मौसम रे सूखो रहबा अर केई ठौड़ां माथे ठण्डी हवा चालबा रो अंदाजो जतायो है। साथै ही तापमान मांय 2 सूं 3 डिग्री सेल्सियस तांई री गिरावट होबा रा आसार है।