प्रदेश रा केई ठोड़ां मांय आज न्यारा न्यारा समाज री कानी सूं ऋषि पंचमी रो परब धार्मिक उच्छास रे साथे मनायो गयो। इण मौके माथे बहणां भाईयां री कलाइयां माथे रक्षा सूत्र बांध्या। टोंक अर सवाईमाधोपुर मांय इण मौके माथे केई आयोजन व्ह्या। वठी ने आश्रम अर मठां मांय संत-महात्मावां ने भी रक्षा सूत्र बांध्या गया। जैसलमेर रा प्राचीन तीर्थ वैशाखी रे कृष्ण कुण्ड मांय सिरधालु पूजा-अर्चना करी अर डुबकी लगायी। पाली रा लाखोटिया सरोवर घाट माथै लोगां पितरां रो तर्पण करयो। आज सूं ही दिगम्बर जैन समाज रो दशलक्षण परब भी सरू व्हे ग्यो। पैलो दिन उत्तम क्षमा दिवस रे रूप मांय मनायो गयो। जैन मंदिरां अर जिनालयां मांय भगवान नेमीनाथ रो अभिषेक करयो गयो। दूजी कानी गणेश उच्छव रे दूजे दिन आज गणेश पाण्डाल मांय कार्यक्रम राख्या ग्या। जयपुर मांय परम्परागत रूप सूं भगवान गणेश री शोभा जातरा निकाळी ज्यी।