प्रदेश रा कुछ हलकां मांय आवता दिनां घणी धुंअर रेहवण अर कठे-कठे शीत लहर चालण रा आसार है। मौसम विभाग से मुजब आवता चौबीस घंटा मांय पारो 2 ऊं 3 डिग्री सेल्सियस तांई चढ़बा रा आसार है। बीचे बुधवार ने संवारे सवाईमाधोपुर, चूरू, भरतपुर, अजमेर, नागौर, हनुमानगढ, झुंझुनूं, झालावाड़ अर भीलवाड़ा मांय कोहरा रे कारण आवण-जावण मांय परेशानी आयी। कठे-कठे 10 ऊं 50 मीटर तांई ई निजर आयो। बीती रात सब ऊं कम 4 डिग्री सेल्सियस न्यूनतम तापमान सीकर मांय दर्ज करी ज्यो। म्हाणा खबरनवीस बतायो के वठे बुधवार संवारे धुंध रे कारण लोगां ने परेशानी रो सामो करणो पड़्यो।