प्रदेश मां बारिश रो दौर रूकबा रे पाछे बत्ती ठोड़ां माथे तापमान मांय बढोतरी व्ही है। वठी ने सुंवारे अर रात ने हल्की ठंड रो अहसास व्हे रियो है। इण बीच, लारला 24 घंटां मांय कुछेक ठोडां माथे हल्को मेह बरस्यो। उदयपुर अर जोधपुर मांय कठे-कठे मेह बरस्यो। प्रदेश रा शहरां मांय पारा मांय एक सूं तीन डिग्री सेल्सियस तांई री बढोतरी व्ही है। टोंक अर सवाईमाधोपुर जिला मांय आज मौसम साफ रह्यो। मौसम केन्द्र जयपुर रे मुजब आवता दो दिन पश्चिमी राजस्थान मांय केई ठोडां माथे मौसम साफ रहवेला। वठी ने पूर्वी राजस्थान मांय हल्को मेह बरस सके है।