प्रदेश मांय 25 मार्च ऊं पारो चढ़बा रा आसार है। मौसम विभाग रे मुजब राज्य मांय पछुआ हवा रा असर ऊं तापमान मांय तीन डिग्री सेल्सियस तांई री बधोतरी री संभावना है। लारला चौबीस घंटां मांय बाड़मेर मांय पारो 37 दशमलव 6 डिग्री सेल्सियस तांई पूग ग्यो। चित्तौड़गढ़, धौलपुर, जैसलमेर, जोधपुर अर फलौदी मांय ई दिन री बगत तापमान 35 डिग्री सेल्सियस ऊं ऊंचो दर्ज करी ज्यो। दूजी कानी बीकानेर, श्रीगंगानगर, हनुमानगढ़ अर चूरू मांय सिंज्यां री पोर हल्को सीळो बायरो बाज्यो। राजधानी जयपुर, सीकर अर दौसा मांय ई हल्की ठण्डक रही।