राज्य मांय हाल तांई 87 लाख ऊं बत्ता काश्तकारां रा किसान पहचान पत्र-फार्मर आईडी बणा दिया ज्या है। आ तादाद तैय करी ज्यी तादाद रो करीब 97 फीसदी है। मुख्य सचिव वी. श्रीनिवास सोमवार ने जयपुर मांय राख्यी ज्यी एग्रीस्टेक स्टीयरिंग कमेटी री मीटिंग मांय आ जाणकारी दीनी। वे बतायो के एग्रीस्टेक ऊं जुड़्या काम पूरा करण परां राज्य ने हाल तांई 737 करोड़ रुप्या री प्रोत्साहन राशि मंजूर करी ज्यी है। मीटिंग मांय कृषि विभाग री प्रमुख शासन सचिव मंजू राजपाल बतायो के राजसमंद अर सिरोही ज़िलां मांय फ्रेमवर्क फॉर फर्टिलाईजर सेल लागू कर्यो जा चुक्यो है। वे बतायो के खाद री खरीदी मांय आसानी अर साफगोई बधावण सारू इण ने बेगो ई आखा राज्या मांय लागू कर्यो जावेला।