प्रदेश मांय सोमवार ने कुछ ठौड़ा हल्की बिरखा व्ही। झालावाड़ मांय काले अर सोमवार ने व्ही बिरखा ऊं खरीफ री कटी फसलां मांय नुकसाण व्ह्यो है। जिला रा खानपुर उपखण्ड हलका मांय काले रात व्ही बिरखा ऊं धान ई फसलां ने नुकसान व्ह्यो है। जयपुर, सवाईमाधोपुर, दौसा समेत केई जिलां मांय बादळ छायी ज्या रह्या। कोटा अर जोधपुर संभाग रा कुछ ज़िला मांय सोमवार ने हल्की बिरखा होवण रा समचार है। लारला 24 घंटा मांय अगूणी ज़िला मांय कठे-कठे ई हल्का ऊं मझला दर्जा री बिरखा दर्ज करी ज्यी। सब ऊं बत्ती 47 मिलीमीटर बिरखा चित्तौडगढ़ रा डूंगला मांय मापी ज्यी। मौसम केन्द्र जयपुर काले उदयपुर अर कोटा संभाग रा ज़िला मांय कठे-कठे ई हल्की बारिश री आस जतायी है।