प्रदेश मांय सोमवार ने ई ठण्ड रे कारण जिन्दगी माथे असर पड्यो। अलवर, पिलानी, सीकर, चूरू अर करौली समेत केई ठौड़ां शीतलहर रो असर रह्यो। मौसम विभाग रे मुजब सीकर ज़िला रा फतेहपुर मांय सब ऊं कम न्यूनतम तापमान आधो डिग्री सेल्सियस दर्ज करी ज्यो। सीकर अर हनुमानगढ़ ज़िला रा संगरिया मांय न्यूनतम तापमान 1 दशमलव 4 अर नागौर मांय 2 दशमलव 8 डिग्री सेल्सियस कम ती कम तापमान रह्यो। महकमो जयपुर अर भरतपुर संभाग मांय कठे-कठे काल गरज सागे हल्की बारिश व्हेवण रा आसार जताया है। ईं सागे ई आवता दो दिन मांय पारो एक ऊं 2 डिग्री सेल्सियस तांई उतरण री संभावना है।