मुख्यमंत्री भजनलाल शर्मा सोमवार ने राज उन्नति ऊं जुड़्या कामकाज रो जायज़ो लेवण सारू अहलकारां सागे मीटिंग कीनी। वे वीडियो कॉन्फ्रेंसिंग रे जरिये प्रदेश मांय चाल रह्या विकास रा कामां अर जनता रा भला रा कामां री प्रगति रो जायजो लीनो। श्री शर्मा राजस्थान संपर्क पोर्टल अर मुख्यमंत्री जनसुनवाई पोर्टल माथे शिकायत करण वाळां ऊं सीधी बातचीत कीनी। वे संबंधित अहलकारां ने हर मामला रो जवाबदेही सागे टेमसर निपटारो करण रा हुकम दीना। मीटिंग रे दौरान राज्य मांय जनता रा काम आसानी ऊं करावण सारू चलाया जा रह्या शहरी अर ग्रामीण सेवा शिविरां री मियाद बधा र 31 अगस्त तांई करण रो फैसलो करी ज्यो। ईं रा तैत 21 जुलाई ऊं 31 अगस्त तांई आखा राज्य मांय फाॅलोअप कैम्प लगा र मामला निपटाया जावेला।