प्रदेश मांय लारला 24 घंटां मांय कठेई-कठेई हल्की ऊं मझलां दर्जा री बिरखा अर कुछ ठौड़ां ओळां पड़ण रा समचार है। दीतवार ने केई ठौड़ां मझलां ऊं घणो कोहरो छायी ज्यो रह्यो अर कुछ ठौड़ां सीळां ऊं घणो सीळो दिन ई दर्ज करी ज्यो। घणखरां ज़िला मांय कमती रो तापमान 10 डिग्री सैल्सियस रे आरे-सारे बण्यो रह्यो। सब ऊं कम 6 दशमलव 6 डिग्री सैल्सियस कमती रो तापमान जैसलमेर मांय रिकॉर्ड करी ज्यो। करड़ी ठण्ड ने देखतां पाली ज़िला मांय ज़िला कलेक्टर 13 अर 14 जनवरी ने सगळा सरकारी अर गैर सरकारी स्कूलां मांय कक्षा 1 ऊं 8 तांई पढे़सरां री छुट्टी ऐलाण करी ज्यी। उठिने जयपुर ज़िला मांय ई कक्षा 1 ऊं आठ तांई रा पढे़सरा सारू सगळा स्कूलां मांय काले छुट्टी ऐलाण करी ज्यी है। मौसम मेहकमां मुजब आवता 2-3 दिनां मांय कमती रा तापमान मांय कमी आवण ऊं ठण्ड रो असर और बध सके है। साथै ई मौसम केन्द्र जयपुर रा निदेशक राधेश्याम शर्मा बतायो के 14 जनवरी ऊं एक और आथूणी विक्षोभ रे सक्रिय होवण री आस है।