प्रदेश मांय माॅनसून री धीमो पडण ऊं गर्मी रो असर एक र फेरू दिखण लाग्यो है। सरहदी अर आथूणी जिलां मांय दिन रो तापमान बधण लाग्यो है। श्रीगंगानगर मांय लारला चैबीस घंटा रे दौरान बत्ती रो तापमान 41 डिग्री सेल्सियस ऊं ऊपर दर्ज करी ज्यो। वठी ई फलौदी अर जैसलमेर मांय ई दिन रो तापमान 40 डिग्री सेल्सियस रे आरे-सारे रिकाॅर्ड व्हीयो। घणखरां जिलां मांय बिरखा री गतिविधियां थम जावण ऊं काश्तकारां रा चेहरा माथे उदासी देखी जावे। जैसलमेर मांय आज धूळभरी आंधी चालण ऊं जिन्दगी माथे असर पड़्यो। ईं बीचे मौसम महकमो कह्यो है के सैटेलाइट इमेज मांय राजस्थान रे ऊपर मानसूनी बादळ अजे निजर आ रिया है। महकमा मुजब आवता तीन-चार दिन बिरखा री गतिविधियां मांय कमी बणी रेहवण री आस है।