प्रदेश मांय मंगलवार ने मुख्यमंत्री रोजगार उत्सव राख्यो जावेला। कार्यक्रम मांय केई महकमां मांय हाल ही मांय चयनित लोगां ने नियुक्ति पत्र दिया जावेला। राज्य स्तरीय कार्यक्रम जयपुर मांय व्हेला। इण बरस कार्यक्रम रो नोडल महकमो चिकित्सा अर स्वास्थ्य महकमां ने बणायो गयो है। ज़िला स्तर माथे भी कार्यक्रम राख्या जावेला। ईण दौरान नुवां चयनित कर्मचारियां सूं मुख्यमंत्री भजन लाल शर्मा वर्चुअल माध्यम सूं जुडे़ला। आदिवासी बाहुल्य सलूम्बर ज़िला मांय जिला स्तरीय कार्यक्रम पंचायत समिति परिसर मांय राख्यो जावेला। सांचौर, झालावाड़ समेत केई ज़िला मांय होबा वाळा कार्यक्रमां मांय नया चुण्या कर्मचारियां सूं मुख्यमंत्री वीडियो कॉन्फेसिंग रे जरिये जुडेला।