प्रदेश मांय बाज रह्या सीळा बायरा ऊं गळन बध ग्यी है। राज्य रा केई ज़िलां मांय गुरूवार ने संवारे ई घणी धुंअर रही, ज्यीं कारण आवण- जावण माथे असर पड़्यो। लारली रात सब ऊं कम 3 दशमलव 6 डिग्री सेल्सियस तापमान सीकर जिला रा फतेहपुर मांय दर्ज करी ज्यो। मौसम केन्द्र जयपुर रा निदेशक राधेश्याम शर्मा बतायो के आवता दिनां पारो 2 ऊं 3 डिग्री सेल्सियस तांई चढ़बा रा आसार है। ईं बीचे, पालो पड़बा री शंका ने ध्यान राखता थकां किसानां सारू एडवाइजरी जारी करी ज्यी है। भीलवाड़ा मांय कृषि विभाग रा संयुक्त निदेशक विनोद जैन काश्तकारां ने साखां ने पाला ऊं बचावण सारू सल्फ्यूरिक एसिड रा घोल रो छिड़काव करण री राय दीनी है।