प्रदेश मांय बत्ती रा अर कमती रा तापमान मांय कमी दर्ज करीजी है। फेरू ई कुछ ठोडां तेज़ धूप रो असर है, कठे-ई-कठे सांझ-संवारा हळकी ठण्ड रो अहसास व्हे रियो है। थावर ने सीकर अर हनुमानगढ़ रा संगरिया मांय कमती रो तापमान 15 दशमलव 5 डिग्री सेल्सियस रियो। वठै ई भीलवाडा, धौलपुर, बारां, करौली अर श्रीगंगानगर मांय कमती रो तापमान 17 डिग्री सेल्सियस रे आरे-सारे दर्ज व्ह्यो। बाड़मेर मांय बत्ती रो तापमान 37 दशमलव 8 डिग्री सेल्सियस दर्ज करी ज्यो। फेरू ई काले रे मुकाबले अठे बत्ती रा तापमान मांय कमी आई है। मौसम केन्द्र जयपुर मुजब प्रदेश मांय सात नवम्बर तांई मौसम सूखो रेहवण री आस है अर तापमान मांय बत्ती बदलाव री आस नी है।