प्रदेश मांय बत्ती ठोडां माथे तापमान मांय बढ़ोतरी सूं लोगां ने कड़ाका री ठण्ड सूं राहत मिळी है। बत्ता शहरां मांय कम-ऊ-कम तापमान 9 डिग्री सेल्सियस सूं 14 डिग्री सेल्सियस रे बीच दरज करयो गयो। मौसम महकमा रे मुजब पाली रा जवाई बांध मांय 6 दमशलव 8 डिग्री सेल्सियस तापमान रह्यो। डीग सूं म्हाका संवाददाता बताया के मौसम खुलबा अर धूप निकळबा सूं लोगां री दिनचर्या मांय बदळाव देख्यो गयो। मंगलवार सूं प्रदेश मांय नया पश्चिमी विक्षोभ रे सक्रिय होबा रा आसार है। इण रे चालता कुछेक ठोडां माथे हल्को मेह बरस सके है।