प्रदेश मांय प्रधानमंत्री फसल बीमा योजना जोर-शोर ऊँ चाल री है। राजस्थान मांय इण योजना मांय देश मांय सब ऊँ बत्ता 62 लाख 58 हजार काश्तकारां ने नामांकित कर्यो गयो है। पीएम फसल बीमा योजना मांय बरस 2025-26 मांय राज्य री करीब 2 करोड़ 82 लाख हैक्टेयर सकल फसली हलका मांय एक करोड़ हेक्टेयर हलको बीमित कर्यो गयो है, जो राज्य रा कुल फसली हलका रो 36 फीसदी है। योजना मांय चूरू मांय 77, बाड़मेर 69 अर नागौर मांय 47 फीसदी सकल फसली इलाका रो बीमा कवरेज व्ह्यो है। लारला पांच सालां मांय काश्तकारां री कानी ऊँ चार हजार छह सौ पचास करोड़ रिप्यां सूं बत्तां रो प्रीमियम हिस्सो जमा कर्यो गयो, जो देश भर मांय सब ऊँ बत्तो है। ध्यानजोग है के प्रधानमंत्री फसल बीमा योजना काश्तकारां सूखा, अकाल, ओला पडबा कीट अर बीमारियां री वजह सूं फसल ने व्ह्या नुकसान ने माली सुरक्षा देवे है। योजना रे तैत काश्तकार, राज्य अर केन्द्र सरकार मिल र प्रीमियम रो भार उठावे है।