प्रदेश मांय पीवण रा पाणी री पूर्ति ठीक तरीका ऊं करावण सारू पाणी रा गैर-कानूनी कनेक्शन हटाया जावेला। जन स्वास्थ्य अभियांत्रिकी मंत्री कन्हैया लाल चौधरी ईं सारू खास अभियान चलावण रा हुकम दीना है। जलदाय मंत्री बतायो के अभियान रा तैत नियमित रूप ऊं पाईप लाईनां माथे निगराणी राख्यी जावेला। आवता उनाळा मांय मौसमी बीमारियां ऊं बचाव सारू चिकित्सा अर स्वास्थ्य विभाग ई ज़रूरी तैयारियां सरू कर दीनी है। विभाग री प्रमुख शासन सचिव गायत्री राठौड़ आज जयपुर मांय अहलकारां री मीटिंग लीनी। श्रीमती राठौड़ कह्यो के आवता दिनां पड़बा वाळी ज़ोरदार गर्मी अर लू री शंका ने ध्यान राखता थकां अस्पतालां मांय ज़रूरी इंतज़ामात् कर्या जा रह्या है। वे अहलकारां ने अस्पतालां मांय ज़रूरी दवाइयां अर साज-ओ-सामान री पूर्ति तैय करण अर टेम सर जरूरी तैयारियां करण रा हुकम दीना।