प्रदेश मांय दो न्यारा न्यारा सड़क हादसां मांय पांच लोगां री मौत व्हे ग्यी अर 14 घायल व्हे ग्या। सांचौर जिला रा पलादर गांव कने बेकाबू ट्रेलर मोटरसाईकिल रे टक्कर मार दी, जिण मांय दो लोगां री मौका माथे ई मौत व्हे ग्यी। ईं हादसा मांय घायल एक मिनख री ईलाज रे दौरान अस्पताल मांय मौत व्हे ग्यी। तीन्यू मरण वाळा गुजरात रा रेहवासी हा। वठे ई बूंदी जिला मांय देहीखेडा घाट का बराना कने शनिवार देर रात श्रद्धालुआं ऊं भरी एक बस पलट ग्यी। ई हादसा मांय दो लोगां री मौत व्हे ग्यी अर 14 घायल व्हे ग्या। घायलां ने कोटा रैफर करी ज्या है। अ सगळा सिरधालू चौथ का बरवाडा मांय चौथ माता रा दर्शन करण जा रिया हा।