प्रदेश मांय दीवाळी रा त्यौहार री तैयारियां जोर-शोर ऊं चाल रही है। जिला प्रशासन, कारोबारी अर जनता री ओर ऊं त्यौहार री तैयारियां करी जा रही है। शहरां मांय खास ठौड़ा, चौराहां अर इमारतां ने रंग-बिरंगी रोशनी ऊं सजायी जा रही है। जयपुर रा बाजारां मांय सोहवणी सजावट करी ज्यी है अर न्यारी-न्यारी ठौड़ा स्वागत द्वार बणायी ज्या है। भीलवाड़ा मांय घरां अर कारोबारी प्रतिष्ठानां माथे सजावट करी जा रही है। अजमेर मांय श्रीनगर रोड ने पहली दफा डोढ़ किलोमीटर तांई खास रोशनी ऊं सजायी ज्यो है। वठे नगर निगम री ओर ऊं आनासागर चौपाटी माथे सोहवणी रोशनी करी ज्यी है। अजमेर मांय दीवाळी रे मौके ग्रीन पटाखा बेचण सारू अढाई सौ लोगां ने जिला प्रशासन अस्थाई लाइसेंस जारी कीना है।