प्रदेश मांय दिन री बगत पारो चढबा सागे कठे-कठे रात मांय ई तापमान बधबा लाग्यो है। लारला 24 घंटा मांय घणखर ठौड़ां गर्मी रो असर महसूस करी ज्यो, हालांकि जैसलमेर अर जोधपुर ज़िला मांय हल्का बादळा मण्ड्या रह्या अर बायरो बाज्यो। मौसम केन्द्र जयपुर रे मुजब चूरू, नागौर अर दौसा समेत केई ठौड़ां दिन री बगत पारो 35 डिग्री सेल्सियस तांई पूग ग्यो। बाड़मेर मांय तापमान करीब 40 डिग्री सेल्सियस दर्ज करी ज्यो। म्हाणा खबरनवीस बतायो के लारला तीन-चार दिन ऊं तेज़ गर्मी पड़बा लागी है। राज्य मांय रात री बगत रा तापमान मांय ई बधोतरी महसूस करी जा रही है अर कम-ती-कम तापमान औसतन 14 डिग्री सेल्सियस रह्यो है। मौसम विभाग रे मुजब 13 मार्च ऊं बीकानेर संभाग मांय बादळा व्हेवण सागे कठे-कठे हल्की बारिश रा आसार है।