प्रदेश मांय थावर ने पुलिस वाळा हरख-उमाव सागे होळी मनायी। जोधपुर रा पुलिस लाइन परिसर मांय पुलिस वाळा उमाव सागे होळी खेली। पुलिस कमिश्नर राजेंद्र सिंह अर पुलिस उपायुक्त आलोक श्रीवास्तव ई न्यारा-न्यारा अहकारां अर कर्मचारियां सागे होळी खेली। डूंगरपुर री पुलिस लाइन मांय राख्यी ज्या होली मिलन समारोह मांय पुलिस वाळा एक-दूजा ने गुलाल लगा र होळी री शुभकामनावां दीनी। ईं मौके लोक कलाकार सांस्कृतिक प्रस्तुतियां ई दीनी। झुंझुनूं ज़िला रा न्यारा-न्यारा पुलिस थाणां अर चौकियां मांय होळी खेली ज्यी। कोटपूतली-बहरोड़ मांय पुलिस विभाग रा अहलकारां सागे कारोबारी अर पत्रकार ई आयोजन मांय शामिल व्ह्या। पुलिस वाळा ईं मौके रैली ई निकाळी, जिण रो न्यारी-न्यारी ठौड़ां स्वागत करी ज्यो। एस.पी.राजन दुष्यंत खबरनवीसां सागे बातचीत करता थकां पुलिस रा जवानां री होळी रे मौके दो दिन तांई मुस्तैदी ऊं ड्यूटी करण सारू सराहवणा कीनी।