प्रदेश मांय थावर ने न्यारी-न्यारी ठौड़ां विज्ञान मेळा लगायी ज्या। डूंगरपुर जिला मांय सीमलवाड़ा री स्वामी विवेकानंद राजकीय मॉडल स्कूल मांय मॉडल स्कूलां रो राज्य स्तर रो विज्ञान मेळो लगायी ज्यो। मेळा मांय प्रश्नोत्तरी अर मॉडल बणावण री होड़ां मांय प्रदेश री मॉडल स्कूलां री सिरकत कीनी। सवाईमाधोपुर ज़िला रा खंडार री राजकीय बालिका सीनियर सेकेण्डरी स्कूल मांय लगायी ज्या विज्ञान मेळा मांय टाबरियां स्वास्थ्य, शरीर, पर्यावरण, अंतरिक्ष अर सौरमंडल समेत न्यारा-न्यारा मुद्दां माथे मॉडल अर चार्ट रो दरसाव कीनो। बाड़मेर ज़िला रा डिंडावा री सरकारी स्कूल मांय विज्ञान मेळा रा तैत विद्यार्थी भांत-भांत रा मॉडल रो दरसाव कीनो। सलूंबर ज़िला मांय सेमारी री महात्मा गांधी सरकारी स्कूल मांय लगायी ज्या विज्ञान मेळा मांय विद्यार्थी प्रश्नोत्तरी , विज्ञान मॉडल प्रदर्शनी अर पोस्टर बणावण री होड़ां मांय सिरकत कीनी।