प्रदेश मांय डिग्गी, फार्म पॉण्ड अर पाणी भेळो करण रा दूजा साधनां मांय हिफाजत रा जतन जरूरी व्हेला। कृषि विभाग डूबण रा हादसां री रोकथाम अर मिनखां अर ढांढां-ढोरां री हिफाज़त रा उपाय करण सारू कह्यो है। महकमो सगळा संबंधित अहलकारां ने हर डिग्गी, फार्म पॉण्ड अर जल संरचना रा चार ई कोणा माथे खूंटां गाड र मजबूत जेवड़ी बांधणो तैय करण सारू कह्यो है। इण रो एक सिरो पाणी मांय छोड़ दियो जावेला, ताकि पानी मांय पड़ जावण री सूरत मांय ईं रस्सी रे सहारे बाहर निकळ्यो जा सके। ईं सागे ई पाणी भेळो करण री हर जुगत कने जूना ट्यूब राखणा जरूरी व्हेला।