प्रदेश मांय ठण्ड रो असर बधतो जा रह्यो है। केई ठौड़ां सुबह शाम तेज ठण्ड महसूस करी जा रही है। घणखर ठौड़ां रात री बगत पारो 11 डिग्री सैल्सियस ऊं नीचे रह्यो। भीलवाडा, सीकर, चित्तौडगढ, उदयपुर, चूरू, सिरोही अर जालौर मांय पारो दस डिग्री सैल्सियस ऊं नीचे रिकॉर्ड करी ज्यो। पहाड़ां माथे व्हे रही बर्फबारी सागे बाज रह्यो सीळो बायरो प्रदेश मांय सर्दी रो असर बधा दीनो है। माउण्टआबू मांय आज ई न्यूनतम तापमान पांच डिग्री सैल्सियस दर्ज करी ज्यो। मौसम केन्द्र जयपुर रे मुजब थावर ने श्रीगंगानगर, हनुमानगढ़, चूरू, सीकर अर झुंझुनूं जिला मांय घणी धुंअर रही।