प्रदेश मांय जो़रदार ठण्ड पड़ रही है। सीकर ज़िला रा फतेहपुर मांय पारो शुक्रवार ने तीजा दिन ई शून्य ऊं नीचे दर्ज़ करी ज्यो। माउंट आबू मांय 1 दशमलव 4, चूरू मांय 3 दशमलव 1, करौली मांय 3 दशमलव 6, पिलानी मांय 4, संगरिया मांय 4 दशमलव 3, चित्तौडगढ़ अर अंता मांय 4 दशमलव 7 अर सिरोही अर सीकर मांय 5 डिग्री सेल्सियस न्यूनतम तापमान नापी ज्यो। दूजी कानी राजधानी जयपुर समेत कठे-कठे पारो चढ़्यो, पण शीत लहर रे कारण सर्दी रा तेवर तीखा बण्या रह्या। मौसम केन्द्र जयपुर रा निदेशक राधेश्याम शर्मा बतायो के दो दिन पाछे शीतलहर ऊं आराम मिलण रा आसार है।