प्रदेश मांय जनगणना-2027 रा पहला दौर मांय मकानां री लिस्ट बणावण अर गिणती करण रो काम तैय मियाद मांय पूरो कर लियो ज्यो है। जनगणना निदेशालय रे मुजब, प्रदेश मांय 1 ऊं 15 मई तांई स्वगणना अर 16 मई ऊं 14 जून तांई घर-घर जा र जाणकारियां हासिल करी ज्यी। जनगणना रो ओ अभियान राज्य रा 41 ज़िलां अर 10 नगर निगम हलकां रा एक लाख 34 हजार ऊं बत्ता ब्लाॅक मांय चलायी ज्यो। जनगणना रा ईं काम मांय एक लाख 40 हजार प्रगणक, 23 हजार पर्यवेक्षक अर दूजा कर्मचारी शामिल व्ह्या। जनगणना रा ईं दौर मांय मोबाइल ऐप रे जरिए मकानां अर वां मांय मौजूद बुनियादी सुबीतां अर संपत्तियां रा बारा मांय जाणकारी करी ज्यी , जो केंद्र ने भेजी ज्यी। जनसंख्या री गिणती रो दौर पूरा देश मांय एके सागे आगला साल फरवरी महीना मांय सरु व्हेला।