प्रदेश मांय घणखर ठौड़ां गर्मी रो असर महसूस कर्यो जावण लाग्यो है। लारला 24 घंटां मांय नौ ऊं बत्ता शहरां मांय पारो 38 डिग्री सेल्सियस ने पार कर ग्यो। बाड़मेर मांय दिन री बगत तापमान 41 डिग्री सेल्सियस नापी ज्यो। घणखर ठौड़ां पारो सामान्य ऊं 4 ऊं 8 डिग्री सेल्सियस ऊंचो दर्ज कर्यो जा रह्यो है। कम-ती-कम तापमान ई सामान्य ऊं 2 ऊं 5 डिग्री सेल्सियस ऊंचो दर्ज कर्यो जा रह्यो है। मौसम विभाग आवता दो दिन बाड़मेर अर जालौर मांय गर्मी रो येलो अलर्ट जारी कीनो है। मौसम विभाग रा जयपुर केन्द्र रा निदेशक राधेश्याम शर्मा बतायो के राज्य मांय 13 मार्च ऊं कठे-कठे हल्की बारिश रा आसार है।