प्रदेश मांय घणखर ठौड़ां पारो 3 ऊं 5 डिग्री सेल्सियस तांई चढ़्यो है। लारला 24 घंटां मांय बाड़मेर मांय पारो 39 दशमलव 4 डिग्री सेल्सियस दर्ज करी ज्यो। आवता दो-तीन दिन मांय दिन अर रात री बगत तापमान मांय 3 ऊं 5 डिग्री सेल्सियस तांई री बध़ोतरी रा आसार है। मौसम केन्द्र जयपुर रा निदेशक राधेश्याम शर्मा बतायो के राज्य रा कुछ हलकां मांय बुधवार ने बादळा मंड्या रेहवण रा आसार है, जद के 3 अप्रैल ने जयपुर, भरतपुर अर कोटा संभाग मांय कठे-कठे बादळां री गाज़ सागे हल्की बारिश व्हे सके है।