प्रदेश मांय घणखर जगावां माथे कम ऊं कम तापमान 10 डिग्री सेल्सियस रे आसे-पासे बण्योडो है। मौसम केन्द्र जयपुर रे मुजब लारला चौबीस घंटां मांय सब सूं कम 7 दशमलव 2 डिग्री सेल्सियस कमती तापमान मांउट आबू मांय दरज व्हीयो। सिरोही मांय 8 दशमलव 2 डिग्री, सीकर रा फतेहपुर मांय 9, डबोक मांय 9 दशमलव 1, चित्तौडगढ मांय 9 दशमलव 2, बारां रा अंता मांय 9 दशमलव 5, भीलवाड़ा मांय 9 दशमलव 8 अर राजधानी जयपुर मांय 13 दशमलव 2 डिग्री सेल्सियस कमती तापमान दरज करयो गयो। मौसम महकमो आवता पांच दिनां रे चालता प्रदेश री घणखर ठोडां मांय कमती ऊं कम तापमान मांय खास बदलाव नी होवण री आस जतायी है। इण रे चालता राज्य मांय कठे भी शीतलहर अर घणो कोहरो छाणे रा आसार नी है।